Liburuak 

Gosez akabatzen zeuden txerrienak

Hamar urtetik aurrerako irakurleentzat idatzi du Iñaki Zubeldiak Txerrikumeen abenturak istorioa. Jabeek jaten ematen ez eta goizero janari bila atera beharrean izaten ziren txerri ama baten eta haren kumeen gorabeherak kontatzen ditu Zubeldiak liburuan. Gosez amorratzen daude txerri horiek eta, jakina, Baltzategi Gipuzkoako herri txikian harrapatzen duten guztia jaten dute: ogia, barazkiak edo ogitartekoak, jaberen bat izan dezaketela batere kontuan izan gabe. Bistan da, azkenerako nazkaturik daukate Baltzategiko herri osoa, txerri horien jabea izan ezik, hura pozik baitago bere txerriek sabela betetzeko aurkitu duten irtenbidearekin. Arazoari konponbideren bat aurkitu behar zaio. Eta hain zuzen herriko umeak izango dira arazoari irtenbidea emateko modua aurkituko dutenak.

Iruzkina idatzi

		2143   2142
2144 zenbakia. 2008ko uztailaren 06a Azkena || Hemeroteka

Ale berean...