Manu Muniategiandikoetxea artistak Euskonews & Media webgunean: "Noizbait atentzioa ematen didate haur batek oso ongi margotzen duelako. Baina haurrak ongi margotzeak ez dauka baliorik, bere lagunak jolasten duten bitartean berak margotzen jarraitzen badu, orduan bai, artista izan daiteke (...) Futbolarekin alderatzen dut nik, badaude Champions txapelketan jokatzen dutenak, baina gehienak hirugarren mailako talde batean aritzen dira. Nik erdi profesionala izatea lortu dut eta ohartu naiz gogorra dela, segurtasunik ez duelako".

Aizpea Goenaga aktoreak Berrian: "Arazo handienetakoa da obra bat muntatzen denean denbora gehiegi behar dela Sarearen zirkuitua egiteko. Hala, gero eta zailagoa da aktoreak eta teknikariak obra horrekin lotura finko bat izatea, emanaldiak gehiegi tartekatzen direlako (...) Laguntzak emateko modu jakin batzuk daude orain, eta hori dena berraztertu egin behar da. Irizpideak aldatu behar dira beharbada. Epaimahai batek erabakitzen du askotan obra bat lagundu behar den ala ez, eta laguntzak beste era batera eman daitezke.".