Unima Euskal Herria elkarteak antolatuta, VI. Txotxongilo Eguna egingo da ekainaren 13tik 15era bitartean Sondikan. Hamabi txotxongilo taldek parte hartuko dute jaialdian, horien tartean Tenderete, Erre ke Erre, Azika, Bihar, Antzezkizuna eta Behibi’s konpainiek. Emanaldiez gain, makillatzen eta txotxongiloak egiten erakusteko tailerrak eta artisautza azoka egingo dira Sondikan. Halaber, 14an Bitxikeriak. Andanzas de Títeres y Titiriteros liburua aurkeztuko du Unimak. Euskal Herriko txotxongilo taldeen lana eta bizitako pasadizoak ezagutaraztea du helburu liburuak. Txotxongilo Egunari buruzko informazioa www.txotxongilo.com web gunean kontsulta dezakezue.
© 2008-2011 Argia.com - Komunikazio Biziagoa
Ezpalak 
