Argia astekaria webgunearen hasiera
- Azken Eguneraketa:
- 2008-12-02 10:59:11
2138.zenbakia
120. zenb.
(ARGIAko 2135. zenbakiarekin batera banatua)
2008-05-25 -- 2138.zenb
-Ama, ni zergatik naiz
bi hizkuntza lasai
hitz egiteko gai?
-Elebidun egin nahi
baitzintudan, Unai,
munduan ibiltzeko
kontent eta alai
gaztelaniaz eta
euskaraz ere bai...
Zuretzako onena
baino ez nuen nahi.
-Ama, lar ez ote da
bi jakin beharra?
Aski da bakarra!
-Unai, bihur ezazu
hizkuntza txamarra:
Saihesteko elurra
edo kazkabarra,
bakar bat ez ote da
aukera kaskarra?
Hobe hartzea xira
ta forro polarra.
-Ama, ez dut euskaraz
egiten tarteka
kostatzen zait eta!
-Pentsa hizkuntza dela
zure bizikleta:
Astero eman ezik
dozena bat buelta,
gero ta urrunago
izango du meta,
herdoildu egiten baita
ganbaran gordeta.
-Jonek soilik erdaraz
ikasten du dena
eskolan barrena!
-Haren amak harentzat
nahi zuen onena,
baina aukeratzean
hizkuntza, hurrena,
ondo pentsa dezala
zer den nahi duena
ez baitu aukeratzen
bakarrik batena!
-Lau euskaldun eta bi
erdaldunen juerga:
zein da euren jerga?
-Erdaldunak ezarriz
bere hizkuntz zerga,
euskaldunak ezin du
berea kontserba,
baina benetan galdu
nahi duguna, zer da?
Manera onak edo
euskaldunon berba?
-Guztiok bi hizkuntzak
ikasi ezean
gu bion antzean?
-Biak dakizkigunok
geronen etxean
ez dugu aukerarik
izango hitzean
eta hasiko gara
erdara hutsean
aurrekoaren lehen
hitza aditzean.
Doinua: Esnesaltzailearena
© ARGIA.com
Lege Oharra
RSS sindikazioa