Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Ufestuek ::Judas bat naiz

DDT Banaketak

iraupena ::31´56´´

prezioa ::5€

Larreetako errebeldia, politikoki gaizki ikusia

Behiek beherakoa dutenean Baztanen erabiltzen duten esamoldea da “ufestuek”. Galtzear dagoen adiera berreskuratzeko eta esanahia makarra delako aukeratu zuten izena, haraneko tradizioa eta politikoki gaizki ikusia dena ezkonduz. Esku artean daukagun lana beraien hirugarrena da, maketa kontuan hartzen badugu. 1980ko hamarkadako punka gogora ekartzen dute, La Polla, Tijuana in Blue edota RIP kasu, eta eragin horiek pasarte skatalitikoekin eta gitarra punteoekin tartekatzen dituzte. Bestalde, diskoari izena ematen dion kantuak rock urbano deritzonaren ezaugarri ia guztiak dauzka. Gaztelaniaz egindako kantu batean izan ezik, gainontzekoetan euskaraz abesten diote ustelkeriari, politikariei, porlanaren industriari, elizari eta abarri. Partxisean jokatzen dute agureek jakin dezatela Ufestuek ez direla joan.