Zientzia eta teknologia 

Ekologia

Munduko arrantza, arriskuan

Berriki Ozeano, Itsasadar eta Irlen Mintegi orokorra egin da Hanoin (Vietnam), eta bertan elkartutako ikerlariek arrantza arrisku bizian dagoela iragarri dute, batez ere ondoko hiru arrazoiengatik: uren tenperaturaren igoera, uren kutsadura eta gain-ustiaketa. Arazo horiek berak aurkitu dituzte aztertutako 64 ekosistemetan, eta arrain-sardak desagertzearen arrazoia dira lau kasutik hirutan. Mintegian adierazi denez, 64 ekosistema horietatik hamaseitan berokuntza-prozesuaren azelerazioa 2007an iragarritakoa baino bi edo lau aldiz handiagoa izan da. Batez ere Txinako Itsasoan eta Itsaso Baltikoan nabaritu da tenperatura-hazkunderik handiena. Horren eragin zehatza aurreikustea ia ezinezkoa baldin bada ere, ez dago dudarik ekosistema aldatu egingo dela.

Iruzkina idatzi

		2133   2132
2134 zenbakia. 2008ko apirilaren 27a Azkena || Hemeroteka

Ale berean...