Iñaki Arrutik gipuzkoaeuskara.net-en esanak webgunetako hizkuntz aukerez: Lehendabiziko multzo batean sailka ditzakegu, bi hizkuntzen aukera eman arren, gaztelaniari lehentasuna emanez, orri nagusia (lehen hitza) beti gaztelaniaz irekitzen dutenak eta erabiltzaileak aldiro, hala nahi badu, hizkuntzaz alda dezakeena (...) Bigarren multzoan bil genitzake hizkuntza aukeratzea sarbide duten web orriak (...) Hirugarren multzo nagusian daude orri nagusia beti euskaraz irekitzen dutenak eta erabiltzaileak aldiro, hala nahi badu, hizkuntzaz alda dezakeena (...) Lehendabiziko multzoari aukera ez normalizatzailea (diskriminazio negatiboa) dei geniezaioke, bigarren multzoari normalizatua eta hirugarrenari normalizatzailea (diskriminazio positiboa). Hirurek ematen dute hizkuntza bat edo bestea hautatzeko modua, baina aukerak oso desberdinak dira (...) Lehen hitza eta bigarrena ez dira gauza bera, eta ez dute zertan hizkuntza berean izan, baina izan daitezke; hala dirudi, ezta? Zein proportziotan aldatuko du hizkuntzaz elebidunak lehen hitz digitala euskaraz eginez gero? Eta gaztelaniaz eginez gero?.