“Dantza, ezinezkoa posible dela islatzen duen ispilu bat da, ezinezkoa mundu guztiak ukitu dezan, sentitu dezan, entzun eta nabaritu dezan”. Gladys Faith Agulhas dantzari afrikarrak Dantzaren Nazioarteko Egunerako idatzi duen mezuaren parte dira hitz horiek. Apirilaren 29an, Jean-Georges Noverre koreografo frantziarraren (1727-1810) jaiotzaren urteurrenean, dantza ukitu, sentitu eta entzuteko aukera ederra izango dugu. Mundu osoan ekitaldi mordoa antolatuko da egun horretan, eta zenbait lekutan astebete edo hilabete iraungo duten egitarauak prestatu dituzte. “Dantzaren Nazioarteko Eguna ospatu! Dantzarekiko duzuen grina elkar sendatzeko erabili ezazue. Bateratu zuen dantza komunitatea, eta garrantzitsuena, izan zaitezte ahal duzuen besteko zintzoak”.
© 2008-2011 Argia.com - Komunikazio Biziagoa
Ezpalak 
