Argia astekaria webgunearen hasiera
- Azken Eguneraketa:
- 2008-05-15 12:58:53
2131.zenbakia
111. zenb.
(ARGIAko 2131. zenbakiarekin batera banatua)
2008-04-06 -- 2131.zenb
Graz, Austria, 1928. Hermann Knaus doktoreak (1892-1970) Kyusaku Ogino ginekologo japoniarrak lau urte lehenago aurkitutako metodo antisorgailu naturala perfekzionatu zuen, Grazeko Unibertsitateko ospitalean burututako ikerketen ondorioz. Metodoa japoniarraren izenaz ezagunagoa bada ere, Ogino-Knaus edo Knaus-Ogino metodoa ere esaten zaio, austriarraren ekarpenaren omenez. Metodoa hilekoaren zikloaren egunak kontatzean datza, egun emankorrak zein diren jakin eta haurdunaldia saihesteko; modurik zorrotzenean jarraituta ere, metodoak gehienez %80ko fidagarritasuna baino ez du.
Britainia Handiko gazteek ezer gutxi dakite beren herrialdeko historiari buruz. Halaxe diote behintzat bertako telebista kate batek 3.000 gazteri galdetuz egin berri duen inkestaren emaitza kaxkarrek. 20 urtera arteko britainiarren %58k uste du Sherlock Holmes fikziozko pertsonaia ezaguna –batzuentzat behinik behin– benetan existitu zela . Rikardo Lehoi Bihotz Ingalaterrako errege izan zen 1189tik 1199ra; bada, %47k mitoa besterik ez dela uste dute. Baina harrigarriena, beharbada, Winston Churcill lehen ministroarena da: %23rentzat fikziozko pertsonaia da. Sherlock Holmesek argitzeko moduko kasua, zinez.
© Sareko Argia
Lege Oharra
RSS sindikazioa 1.1 