Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

EH Sukarra :: Zuzenean

Barne Records

iraupena ::74´57´´

prezioa ::11.50€

Askoren soinu banda, bizi-bizian

Euskal Herriko Sukarrak ia 20 urteren bueltan bizirik jarraitzen du, eta horren erakusle da iaz Durangoko Plateruenan grabatu zuen kontzertu hau: 21 kantu, 70 minututik gora. Euren hastapenetan punk-rockaren eta heavyaren arteko muga gaindiezina lehertu zuten, eta energia, teknika eta gogo handiarekin gazteriaren zati handi bat harrapatzea lortu zuten. Gerora, Mikel Gorosabel Norton taldeko gidariaren sormenaren ondorioz, hainbat estilo eta mutur lantzeko gai izan dira, beti dotoreziaz. Lan honetan apur bat denetatik dago: Kasko gorriak eta Nerbixuak adrenalineroak; Lau teilatu eta Hamar urte gartzelan hunkigarriak; edota atzoko eta gaurko kantu heavy eta punk-rockeroak. EH Sukarra hori guztia delako. Eta funtsean, gutako askorentzat, gure bizitzaren soinu bandaren zati bat ere bai.