Argia astekaria webgunearen hasiera
- Azken Eguneraketa:
- 2008-05-15 12:58:53
2129.zenbakia
111. zenb.
(ARGIAko 2125. zenbakiarekin batera banatua)
2008-03-23 -- 2129.zenb
56 gela dituen etxeak handia behar du izan, zabala, jauregi bat. Jauregiak atea eta ateak aretoa atzean. Han aurkitu ditugu Karelean taldeko kideak instrumentuak afinatzen. Gaztelupeko Hotsak zigiluaren eskutik argitaratu berri dute 56. gelatik lehenengo diskoa. Azpeitiko Lobo estudioko sukaldean joan den azaroan ondutako kantuek joera ugariren oihartzunak dituzte, pop finetik hasi eta jazz dotoreraino, elektronikari eta rockari ateak itxi gabe. Bost musikari hauei gelako atea parez pare zabaltzea gustatzen baitzaie, doinuak urrutira entzun daitezen.
Gaur bezala atzo, Espainiako Parlamentua ez da etxe arrotza izan euskaldunentzat. Unibertsitateko ikerle talde batek 1876-1939 artean hautetsi izan ziren 317 pertsonaz osatutako biografia hiztegia egin du Europako tradizio historiografikoan inspiratuta.
Internetek hilda dauden soldaduak berpiztu ditu nobela historikoen egile bilakatzeko. Bill Lamin izeneko irakasle batek, bere aitonak –Harry Lamin britainiar gudarosteko soldaduak– I. Mundu Gerran idatzitako eskutitzekin bloga osatu du 90 urte beranduago. Telesail zirraragarrienen antzera milaka irakurlek egunero dute zita webgunean, Laminen gorabeherak ezagutzeko irrikaz. Gutun sorta berria noiz ailegatuko zain, kezkaz beterik, historiak erabat harrapatuta. Soldadua onik bueltatuko ote da etxera?
© Sareko Argia
Lege Oharra
RSS sindikazioa 1.1 