Argia astekaria webgunearen hasiera
- Azken Eguneraketa:
- 2008-07-02 15:11:57
2127.zenbakia
122. zenb.
(ARGIAko 2125. zenbakiarekin batera banatua)
2008-03-09 -- 2127.zenb
Iņigo Azkona
Zenbat istripu gertatzen diren
Baionatik Tuterara!
Zeu ere baten batean suerta
zintezkeenez beharbada,
medikua ez baldin bazara,
gidari zintzo gisara,
bost bertso hauek ikasi eta
hobeto biziko zara.
Lehen pausoa babestea da
bideko istripuetan,
eszena bera zaindu ezazu
gaitz txarragoen alertan.
Ez arriskatu zeure bizitza
bestearen mesedetan
gero bi izan litezkeelako
gelditzen direnak bertan.
Abisatzea da bigarrena
112ra horren justu,
deia hartzean lehenik eta behin
zeure burua aurkeztu,
esan non zauden, zer gertatu den
eta azkenik ez ahaztu:
telefonistak baimendu arte
ez ezazu deia moztu.
Hirugarrena laguntzea da,
ahalegintzea bederen.
Mintzatzeko zein mugitzeko gai
direnak utzi ondoren,
isilik eta geldi daudenei
laguntza eman lehenbailehen
beti gehiena behar duenak
eskatzen baitu gutxien.
Ez ezazu inoiz kaskorik kendu
gidari baten burutik,
ez sartu urik ez jatekorik
zauritu baten ahotik,
ez inoiz ere, inola, inor,
atera bere autotik
eta ez ezazu inoiz alde egin
laguntza heldu aurretik.
Gogoan izan, istripuetan
ez pasa albotik begira;
Babestu, Abisatu, Lagundu
BALiozko hitzak dira.
Ez badakizu ezer, ez jardun
mediku baten neurrira
eta zerbait baldin badakizu
deitu azkar 112ra.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa