Argia astekaria webgunearen hasiera
- Azken Eguneraketa:
- 2008-07-17 12:24:53
2126.zenbakia
122. zenb.
(ARGIAko 2125. zenbakiarekin batera banatua)
2008-03-02 -- 2126.zenb
Maddi Soroa
Kantatzera noazu
bertso bat edo bi
gizon batek jarriak
bere herriari
entzunaz honi eta
begiratuz hari.
Patxadan bizi denak
egiten du hori.
Haurrak etxez-etxe ta
amonaz-amona
zeini harrapatuko
etxeko goxona.
Erroskila txarra da
ta “Kinderra” ona,
gaileta merkeekin
ez etorri hona.
Amonak joaten dira
eskulanetara,
eskolatikan bueltan
umeak plazara,
Joxe etorriko da
Joanito han bada
eta azkenerako
denak tabernara.
Beheko herrian dute
alkate petrala,
gurea langilea
fina ta formala,
herri guztiaretzat
mutiko leiala.
Garzonek ba al daki
zer den ilegala?
“Plan estrategikoa”
aktualitatean,
energia berriak
estudio-pean,
obra egin behar da
Gaztelu bidean
ta sukalde berria
soziedadean.
Pinuzaleek pistak
puskatzen dituzte
basurdeek baratzan
beste horrenbeste,
dena ona dugunik
etzazute uste
ardien zintzarriek
lasaitzen gaituzte.
Zaharrak nahi ez duena
gaztearentzako,
udaberriko lana
udazkenerako,
urtea pasatzen da
konturatzerako,
ez daukagu presarik
gutxi garelako.
Urtea pasatzen da
konturatzerako,
udaberriko lana
udazkenerako,
ez daukagu presarik
gutxi garelako
gutxi garelako
gutxi garelako…
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa