Suediako Lulea herrian egingo dute Europako hizkuntza gutxituetako Liet Lavlut (www.liet.nl) musika lehiaketa. 2002an egin zen lehen jaialdia eta urriaren 18koa bosgarrena izango da. Europako edozein hizkuntza gutxituetan aritzen diren bakarlari zein taldeek har dezakete parte eta maiatzaren 1a baino lehen aurkezteko eskatu dute. Antolatzaileek urriaren 18rako hamar-hamabi talde hautatuko dituzte finalerako. Eragileen nahia jaialdia Europako telebista publikoen bidez ahalik eta gehien hedatzea da, azken edizioa bost herrialdetan emititu zen, ez dakigu EITB tartean izan zen, baina ez litzateke txarra izango urrirako erne ibiltzea. Lau ediziotatik hiru samiek irabazi dituzte, eta 2006an Garik hartu zuen parte eta hamaikagarren geratu zen.
© 2008-2011 Argia.com - Komunikazio Biziagoa
Bero-beroan 
