Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Naiz Roxa ::Iqharaturic

autoekoizpena

iraupena ::33´34´´

prezioa ::12€

Ikaratzeko moduko zehaztasun parekaezina

Diskoa zabaltzen duen ahotsa Mikel Laboarena da, eta ez da sanpleatua, abeslari handiak lan honetarako beren-beregi errezitatutako hitzak dira. Harrigarria da Laboaren kolaborazioa, are gehiago San Juango taldearen musika amorratu eta muturrekoa entzunez gero. Etxepareren hitzetan oinarrituta dekadentzian dagoen gizarteari oka egiten diote zentrifugagailuan nahastutako musika estilo ugari batuta. Hau ez da fusioa: intentsitate, abiadura eta zehaztasun handiz, erritmo, melodia eta doinuak aldatzeko gai dira grind-corea, metala, punka, hardcorea eta elektronika dantzagarria maisuki ezkonduz. Abesti guztiak puzzleak dira, mila zatitan banatu daitezkeenak eta elkarrekin lotuta daudenak, masaileko baten parekoak. Gainera, zeharo sinesten dute egiten duten horretan, eta hori da uneoro transmititzen dutena.