Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Aby-Kem ::Azken guda

Gaztelupeko Hotsak

iraupena ::43’05’’

prezioa ::12.60€

Thrasharen eta deatharen sorkuntza puri-purian

Bergarako pantera beltzek oso gogor egiten dute lan, ia-ia entsegu lokalean bizi izan dira azken urteotan. Horren ondorioz, musika estilo anitzeko eskaintzaz osatutako Danbaka Debagoieneko Musika Lehiaketaren bigarren edizioko irabazleak izan ziren. 90eko hamarkadako thrash gogor eta oldarkorra berpiztu eta death-metalarekin janzten dute; emaitza, zer esanik ez, oso oso indartsua da. Diskoa “azken guda” bailitzan hartu dute eta konponketaz eta garapenez jositako kantu bukaezinez osatu. Hainbestekoa da sortu eta eman gura dutena. Zuzenean ere beste horrenbeste: talde trinko eta oldarkorra aurkituko duzue. Hitzetan gerren zergatia salatu eta mundu arabiarrari atxikimendua adierazten diote. Danbakak eta Gaztelupeko Hotsak-ek kaleratu dute elkarlanean diskoa.