ARGIA astekaria

Bilaketa

Nabigazio menua

2121.zenbakia

Atalen nabigazio menua

117. zenb.

(ARGIAko 2121. zenbakiarekin batera banatua)

Hasiera >
Asteko gaia >
Erraldoiaren itzalpean bada zer bilatu >
Hego korearrek Naverren bilatzen dute

2008-01-27 -- 2121.zenb

testua

Google

artikulu nagusira itzuli

Hego korearrek Naverren bilatzen dute

48 milioi lagun bizi dira Hego Korean eta hamarretik zazpi Internetera konektatuta daude. Asiako plater gozoetako bat da sarean negozioak egin nahi dituenarentzako. Hori bai, gogor borrokatu beharko du Naver.com atariarekin.

Herrialdeko bilaketen %70etik gora gune honetatik egiten dira –munduko bosgarren bilatzailea da– eta erabiltzaileek zeresan handia dute emaitzetan. Hona nahiko modu sinplean nola funtzionatzen duen: informazio bila hurbiltzen denak bilatzaileari galdera bat egiten dio; beste erabiltzaile batek erantzun egingo dio, eta erantzun hori erregistratuta geratuko da beste pertsonaren batek bilaketa bera egiten duenerako.

Beharrak ekarri zuen parte-hartzea. Korear hizkuntzaz idatzitako testu gutxi zegoen sarean 1999an Naver abian jarri zenean. Ez zegoen negozio bideragarririk egiterik korearrez funtzionatuko zuen bilaketa erreminta batekin. Ezetz? Arazo horri irtenbide errazena –ala zailena, nondik begiratzen den– eman zioten: testuak sortzeari ekitea, galdera-erantzunen sistema bidez. Gaur egun 70 milioi sarrerako datu-basea osatu du: esaldi bakarreko erantzunak batzuk, saiakera akademikotik gertuago dauden testuak besteak. Milaka erabiltzaileren elkarlanaren fruitu da Naverren arrakasta. Wikipediaren antzeko fenomenoa, herrialde bakarrera mugatua. Gainera, galdera-erantzunen sistema eredugarria bihurtu da beste bilatzaileentzat. Yahoo! Answers adibidez, Naverren sisteman oinarrituta dago.

Konpetentzia handirik ez duen ataria da. Daum.net da herrialdeko bigarren gune bisitatuena. Hau ere Hego Koreakoa da eta bilaketen %11 jasotzen du. Google merkatuaren %2ra baino ailegatzen ez den inurria da.

2008an herrialdearen mugak gainditu nahi ditu Naverrek Japonian sudurra sartuz. Hego Korean eskaintza dibertsifikatzen jarraituko du, besteak beste, umeentzako bereziki prestatutako Junior Naver bilatzailearekin.