Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Su ta Gar::Une iraunkorrak

Jo Ta Ke Ekoizpenak

iraupena ::1h15´00´´

prezioa ::17.55€

Balio duten une bereziak, gordetzeko modukoak

Eibarko (Gipuzkoa) talde beteranoarentzat 2006 inflexio puntu garrantzitsua izan zen. Diskoetxe eta managementetik aparte, beren bidea bakarrik egiteko apustua egin zuten. Jainko hilen uhartean diskoa kaleratu eta borrokan aritu ziren, bai agertoki gainean, zuzenekoan, baita beste esparru askotan ere. Are gehiago, lehen ere gorriak pasa zituztenetik taldea batuta dago zeharo. Aipatutako inflexio puntu horretatik gaur egunera arte bizi izan dutena erakutsi nahi du ikus-entzunezko dokumentu honek: batetik, hiru kontzertu erraldoitan (Bilbo, Eibar eta Iruñea) jasotako irudiak bildu dituzte, taldearen gaur egungo sasoiaren erakusle; eta bestetik, zaleek ikusten ez dituzten taldearen pasarte eta egoera xelebre bezain hunkigarriak. Bi aldeak erakusten dituen lan orekatu eta osatua, zalantza barik.