Argia astekaria webgunearen hasiera

Ur Apalategi Idirin

Angelek nekea aldarrikatuz agurtu gaitu, “La cosa”rekiko nekea, hain zuzen. Gauza jakina da historia totelka ari dena. Gure historia noiztik dagoen hitz berean trabaturik (ind… ind... inde… pe… peee…dependen… tzia) ez dakit, baina uler dezaket nekearen aitormena. Zenbat aldiz ez ote zait etorri ahora –ezpainen muga zeharkatzera iritsi ez arren– palestinarren eta israeldarren arteko gatazkaren enegarren suhartzearen berria entzutean “zoazte denak popatik hartzera zuen Jerusalem sakratuarekin eta idatzi postal bat dena bukatzean” gisako ohar bat?