Argia astekaria webgunearen hasiera
- Azken Eguneraketa:
- 2008-07-02 15:11:57
2118.zenbakia
122. zenb.
(ARGIAko 2116. zenbakiarekin batera banatua)
2008-01-06 -- 2118.zenb
Maddi Soroa
- Pero, vosotros, en lo vuestro, por ejemplo labrando patatas, ¿vais pensando rimas?
- Y cuando reñís con vuestra pareja, ¿le reñís rimando?
(2007-12-22)
Bi mila eta zazpigarrena,
datorrenaren atean
abenduaren hogeita bian
Donostiako partean
palko batean ibili ginen
haundi-maundien artean
komentario bat ez dut ahaztuko
bizirik naizen artean.
Badakizue Illunben nola
izan zen egun polita
eta Realak ipini zigun
hango kantarioi zita
guk gusto handiz hartu genuen
egin ziguten gonbita
palko batean inoiz ez dugu
partidurik ikusi ta.
Partidu arrunt samarra joan zen
(Realarentzat txukuna)
bukatu eta barra ertzean
gure bigarren jarduna
Emakume bat inguratu zen
(nonbait ez zen euskalduna)
bere burua aurkeztu zigun:
marketing arduraduna.
Tratu zuzena eman ziguten
ezin zitekeen bestela
Galde ta galde hasi zitzaigun
jakin nahi balu bezela
gu beraiekin han izatea
asko eskertzen zutela...
ondo zihoan esan artean
goian jarri dudan perla.
Nahiz ta kultura orokorrean
zuen halako zuloa
postu horretan hura jartzea
ez al da eskandaloa?
Ez zion noski galeraziko
gau hartako bere loa
asko uste gabe eginagatik
kristoren ridikuloa.
Kontuak hala izan ziren ba
kontatu dudan erara
sei bertso hauek atera zaizkit
barrenetik pantailara.
Marketing-eko arduraduna
talla hortakoa bada
klubarengatik ez da dudarik,
bigarren mailakoa da.
Doinua: Andre txarraren bentajak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa