Argia astekaria webgunearen hasiera
- Azken Eguneraketa:
- 2008-08-29 14:59:50
2114.zenbakia
115. zenb.
(ARGIAko 2112. zenbakiarekin batera banatua)
2007-12-09 -- 2114.zenb
Gabonak bertan ditugu. Gure kaleak milaka bonbillez argiztatuak ikusiko ditugu Erregeak pasa arte. Energia xahutzeko hilabetea da eta hori ez dator bat aldaketa klimatikoaren eta CO2 igorpenen aurka agintariek ematen dituzten aholkuekin. Agintari horiexek dira, lotsarik gabe, xahuketa erabakitzen dutenak. Horretan enpresek ere badute interesik, erosketak eta kontsumoa igo egiten baitira. Gainera, garraioan eragiten du. Jakina da ibilgailuak direla aldaketa klimatikoaren eragile nagusiak.
Ez dugu Euskal Herriko datu zehatzik, baina bai Espainiako Estatukoak. Industria Ministerioaren arabera, Espainiako udalek 30 milioi kilowatt/orduko gastatzen dituzte Gabonetako argietan, hau da, 50.000 etxeko auzo batek urtebetean kontsumitzen duen argindarra. Horrek 10.000 tonako karbono dioxido isuria esan nahi du. Madrileko Udalak, berak bakarrik lau milioi euro erabiltzen ditu Eguberrietako argiztapenerako. Euskal udaletxeek zenbat diru gastatzen dute? Aldaketa klimatikoa eta honek sortuko dituen ondorioak arduraz hartzeko garaia da. Politikariek eredu izan beharko lukete. Utz ditzagun autorik gabeko egunak edo argirik gabeko orduak eta baztertu dezagun, behin-betiko, Gabonetako energia xahuketa. Hobe urte osoko gastua eteten badugu.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa