Argia astekaria webgunearen hasiera
- Azken Eguneraketa:
- 2008-10-07 16:31:31
2114.zenbakia
115. zenb.
(ARGIAko 2112. zenbakiarekin batera banatua)
2007-12-09 -- 2114.zenb
Dani Blanco
1. Ez da hain egia hori. Egia da urteko azken produkzioa Durangora begira egiten dela eta Azokarako pilatzen dela zati handi bat, baina urtarriletik ekainera bitartean ere bada produkziorik, baita irailean hasi eta urrira arte ere. Beste gauza bat da Durangora begira gaudela abuztuko azken egunak heltzen direnetik. Liburu asko pilatzen zaizkigu azaroan, hori egia da. Baina nik uste dut argitaletxe guztiok egiten dugula ahalegina –guk behintzat bai– Durango baino lehen ere produkzioa egoteko. Ez da karta bakarreko apustua. Gertatzen dena da batzuk Durangora justu-justu iristen direla eta beste batzuk berriz, bide bat egina dutela dagoeneko.
2. Nobedadeen azoka da; hala da oro har. Baina bada era guztietako irakurlea eta literatur eroslea. Bada liburu deskatalogatuak-eta Durangon bilatzen dituenik. Ez dut esango gehiengoa direnik, inola ere ez, baina hori ere bada Durango. Nobedade baten bizitza zaila da neurtzen, baina gero eta laburragoa dela ematen du: Durangoko Azokaren iraupena eta Eguberrietako kanpaina guztia. Hortik aurrera neurtu behar da zer bide egin duen. Bide ona egin dutenek liburu dendetan irauten dute eta besteek ez. Nobedade batek normalean, Durangotik aparte, hiru hilabetetik aurrera nekez iraungo du liburu denda batean, non eta ez den eskaerarik. Tira, denbora tarte hori esan dut, baina azterketa zehatzik egin gabe.
3. Euskal liburuaren azoka da Durango, euskaraz idatzitako liburuez eta euskal gaiari buruzko liburuez ari garela ulertuta; euskal gaia dutenak, nahiz eta espainolez edo frantsesez idatzita egon. Nik ez nuke hori aldatuko. Zainduko nuke bestelako gairik ez sartzea, baina ez nuke aldatuko, jendea ekartzen duelako. Uste dut kaltegarria izango litzatekeela aparteko azoka egitea euskarazkoentzat bakarrik, euskarazko liburua erosten duenak erdarazkoa ere erosten duelako, eta alderantziz. Muga zainduko nuke, euskal gaia izatea alegia. Beste kontu bat hori mugatzea da: zer da euskal gaia? Baina zabal jokatuta ere, denok ulertzen dugu zer den.
4. Hori bai dela zaila… Lehenengo eta behin literaturazalea dela esango nuke, euskaraz izan, ala erdaraz. Bestela ere irakurlea dela, alegia. Askotarikoa dela esan beharra dago. Zaila da euskal irakurleen aurpegia marraztea. Liburuarekin batera euskarazko prentsa ere irakurtzen duela esango nuke.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa