Argia astekaria webgunearen hasiera

Ur Apalategi Idirin

Aitor dut autoan zerbait esan nahian nenbilela, Angel, eta azkenean mutu geratu naizela ez nuelako ondo ulertzen zertaz ari zineten. Enpin, hori da, apika, auto konpartituaren xarma, eta ekologiaren mesedetan baldin bada, gaitzerdi. Bart arratsean, hain zuzen, Al Gore-ren dokumental famatua begiratu dut. Hilabete zenbait itxaron ohi dut sobera aipatzen ari diren filmeak ikusi aurretik. Apar mediatikoa desagertzen denean uraren hondoa hobeto ikusten delakoan. Gauza asko dira susmagarriak filma horretan eta beste gauza bat, berriz, guztiz dezepzionagarria.