Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Same Old ::Contrafacto

Labatelkuëyo Records

iraupena ::41'07´´

prezioa ::12.50€

Post-hardcorearen mugei buelta erdi emanda

Hardcore munduan erreferente den Fragment diskoetxearekin bi lan kaleratu ostean Same Old Gasteizko taldeak ingelesa gaztelerarengatik ordezkatu du, eta taldekide berria batu zaie teklatuak jotzera. Pauso garrantzitsua eman dute aurrera eta post-hardcorearen erritmo trinko eta aberatsei rock klasikoaren doinuak batu dizkiete. Hori gutxi balitz, frontman-ak abesteko oso era berezia dauka, hard-rocketik edo aspaldi Münsterland taldeko Riojak egiten zuenetik hurbil dagoena. Oso ondo landutako musika da, oso teknikoa, kontraste handikoa eta aurreiritziak apurtzen dituena; haize berriak ekarri ditu. Lan hau Garaten grabatu dute Kaki Arkarazo eta Trikurekin, eta emaitza nabarmentzekoa da. Ez da harritzekoa Bilbo Hiria eta Gasteizko Txosnen lehiaketetan sari garrantzitsuak jaso izana, emaitza puntakoa da-eta.