Argia astekaria webgunearen hasiera

Elizabeth I.a Ingalaterrako erreginaren inguruko filma estreinatuko dute azaroaren 9an. Elizabeth: The Golden Age 1998ko Elizabeth filmaren bigarren zatia da eta zuzendari (Sekhar Kapur) eta protagonista (Cate Blanchett) berberak ditu. Oraingoan, Erregina Birjina (Elizabeth) eta Erregina Martiriaren (Mary Stuart, Eskoziako erreginaren) arteko gorabeherak azaltzen dira. Eskoziako erregina katolikoa Ingalaterrako tronua bere lehengusina Elizabethi kentzen saiatu zen. Erregina Birjinaren beste etsai bat ere, Felipe II.a Espainiako erregea, ageri da filman. Mary Stuart erreginaren bizitza beste film batek kontatuko du 2008. urtean, eta Scarlett Johansson aktorea izango du protagonista.