Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Gozategi ::Goztgi.kom

BabelMusik

iraupena ::47´36´´

prezioa ::13.45€

Trikitiari nortasuna emateko bide berriak

Orioko talde ezagunak diskoetxez aldatuta eman du etapa berrira urratsa, Internet eta sakelako telefonoen garaira. Taldearen izaerari eutsita trikitiari beste kolore batzuk eman dizkio. Hala, hanka bat plazatako erromeriatan sendo jarrita badu ere, beste hanka harago eraman du bestelako usain, kolore eta erritmoak dastatu eta zabaltzeko. Tradizioei lotutako arin-arin eta fandangoez gain, doinu desberdinak batu dituzte: balada folkyak (Beldurra), Europa ekialdeko ijitoen oihartzuna (Ijitua), erritmo karibearrak (Ofi-afi), pop goxoa eta country doinuak, besteak beste. Hitzei dagokionez, oso kritiko dira oriotarrak eta herri honentzat konponbidea bilatzeko autokritika egiten dute, baita erantzule nagusiei, politikariei, ekimenak gauzatzeko eskatu ere, hausnarketa eta ironia zorrotza erabilita.