Argia astekaria webgunearen hasiera

Joxerra Aizpurua

AEBetako ikerlari-talde batek argitara eman ditu energia iturri berrien inguruko ikerketan lortutako emaitzak; emaitza itxaropentsuak, dirudienez.

Askotan bezala, naturari behatuz lortu dute aitzakia ikerketa egin ahal izateko. Hain zuzen ere, landareen fotosintesian oinarritu dira, gauza jakina baita landareek eguzki-energia, ura eta karbono dioxidoa hartu eta oxigeno eta karbono hidrato bihurtzen dituztela. Helburua biologian oinarritutako sistema bat antolatzea izan da, metanola edo hidrogenoa sortzeko aukera emango duena, karbono dioxidotik edo uretik abiatuz, eta beti ere eguzki-energia erabiliz.

Jabier Agirre

Euskal Autonomia Erkidegoan giltzurruneko, gibeleko eta bihotzeko 206 transplante erregistratu ziren iaz, honela banatuta: giltzurruneko 130 (milioi bat biztanleko 61 interbentzio), gibeleko 65 (30 interbentzio), eta gainerako hamaikak bihotzekoak izan ziren (hots, 5,2 ebakuntza milioi bat biztanleko). Kopuru horiek aise gainditzen dituzte Europan izandakoak.

Jakoba Errekondo

Pertxenta denak, txirriporro edo mari-maisua, magal hautsia eta lirain airos izan daitekeen gisa berean, konplimenduzko lore duen mertxika bera (Prunus persica) tuatxa, toaxa, tuaxa, preseka, metxika, briska, duraza, duranzana, gurazaoa, melokotoia, kuntzuna, mertxika, mixika, mujika, muxerka, muxika, muxilka eta muxurka izan da geurean.