Bertso berriak 

Lizartzako festetan jarriak

I Bi mila ta zazpiak zortzi agorrean Lizartzako festaren eguna hurrean, furgoneta pintoak ateen aurrean begiratu gaiztoak kale bazterrean, aurten ez dira egin “ohitura zaharrean”.

II

Bi bertsolari ginen
deituak bertara
gazteek antolatu
ohi duten festara,
berdin dio elkarte
kale zein plazara
ongi etorri on bat
gauza ederra da,
gu behintzat herritarrek
hautatuak gara.

III

Bandera espainola
gorri eta urre
globoekin estaliz
egin zaio aurre,
Otaola ez zaitez
jarri hain haserre
ahulak ere nolabait
egin behar du parre
hor behintzat ez dizute
erregerik erre.

IV

“Agintari gorenak”
elizan sartzean
eskolta eta ertzain
kolore beltzean,
santuak aurrean ta
santuak atzean
bakea ahoan ta
gerra bihotzean,
lotsatuta hil dute
kristo gurutzean.

V

Kalean furgonetak
eskoltak atean
balkoian ikurrinak
builak arkupean,
herritarrak kanpoko

“demokrata”pean
festak normaldu dira
denak joatean,
bakezaleak joanda
herria bakean.

VI

Bandera batek al du
hemen garrantzia
edo nahi dutena da
gu sutan jartzia,
ta Espainian bete
botoen ontzia
bitartean herrian
ze penitentzia,
orain bai nahi dugula
independentzia.

Doinua: Bizkaiko txerriarena (Oskorrik kantatzen duen “Bizkaiko aberatsak...”)

Iruzkina idatzi

		2104   2103
2105 zenbakia. 2007ko urriaren 07a Azkena || Hemeroteka

Ale berean...