Zientzia eta teknologia 

Garapena

Haur-hilkortasuna inoiz baino txikiagoa

UNICEFek jakinarazi berri duenez, bost urtetik behera hildako haur kopuruak ez du 10 milioien muga gainditu 2006an, 9,7 milioi izan baitira. 1990 urtean 13 milioi hil ziren, eta 60ko hamarkadan, berriz, 20 milioi.

Horren arrazoiak barizelaren aurkako txertoa, titi-ematea orokortzea, paludismoaren aurkako borroka eta sistema inmunologikoa indartzen duen A bitaminaren zabalkundea dira, UNI-CEFen arabera.

Batez ere, Asian gutxitu da hilkortasun-tasa. Txinan, 1990ean jaiotako 1.000 haurreko 45 hiltzen ziren, baina 2005ean 25era jaitsi zen kopuru hori. Indian 115etik 76rakoa izan da jaitsiera, eta antzera gertatu da Kariben, Hego Amerikan eta ekialdeko Europan.

Egun, heriotzen %50 Saharatik hegoalderagoko herrialdeetan ematen da, nahiz eta Etiopian, Ruandan, Tanzanian, Nigerren eta Namibian egoera hobetuz doan. Bost urte barru, hurrengo txostena.

Iruzkina idatzi

		2103   2102
2104 zenbakia. 2007ko irailaren 30a Azkena || Hemeroteka

Ale berean...