Argia astekaria webgunearen hasiera

Bego Vicario

Lanean hasi berria nintzen eta kide batek Zirkulu Polarrean egindako oporraldiaren berri eman zidan. Harrigarrien egin zitzaiona, antza, gaurik gabeko egun etengabea eta gauerdiko eguzkiak jendearen portaeran daukan eragina izan zen. Kalean ahalik eta ordu gehien emateko joera izaten dute, erlojuak markatzen duen orduarekin zerikusirik ez dituzten jarduerak burutuz, halako argia eta berotasun beharra eta nahia sentitzen baitute, barruan duten bizi gogoa ateratzeko. Zer izango ote da txanponaren bestaldea: gau luzeak eta itxiak dena umeltzen eta izozten duela ikustean? Amorrua, sumendia, onarpena, lurperatzea...