Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

KEIKE:: BELDURRA, MINA, ARGIA

OIHUKA

iraupena ::35´21´´

prezioa ::14.45€

Iluntasunetik argitasunera hamaika bide eta estilo

Ondarroako taldeak ibilbide sendoa egin du Euskadi Gazteako lehiaketan entzuleen saria jaso zuenetik. Bi disko kaleratu ditu eta azken honetan ideiak argi dituztela erakutsi dute. Dut-en tankerako post-hardcore erritmo eta giroak oso presente dauden arren, euren kantuetan punk-rocka, stonerra, hard-rocka, metala edo Smashing Pumpkinsen itzala ere antzeman daitezke. Are gehiago, taldea indartuta dator, diskoa grabatu aurretik Jauko Barik taldean aritutako Itsaso batu zitzaielako. Hitzei dagokionez, gogorrak dira oso, pertsonen muturreko egoerak deskribatzen dituztelako, baina abestien bukaeran, diskoaren izenburuak adierazten duen bezala, argiari bide ematen diote. Bestalde, Nerea abeslariaren ahotsak protagonismo handia hartzen du, kantuak goxotu zein garrazteko erabateko gaitasuna daukalako.