Argia astekaria webgunearen hasiera
- Azken Eguneraketa:
- 2008-05-15 12:58:53
2102.zenbakia
111. zenb.
(ARGIAko 2099. zenbakiarekin batera banatua)
2007-09-16 -- 2102.zenb
Ozeano Atlantikoa, 1912ko apirilaren 14a. Afalorduan Titaniceko bidaiari guztiak ontziaren jangela ikusgarrietan bildu ziren; bakoitza bere klaseari zegokion jangelan, noski. Itsasontziko egunak lasaiak ziren, aspergarriak sarritan, baina egunero lau otordu eginez denbora errazago pasatzen zen. Titanic ez zen soilik bere garaiko ontzirik luxuzkoena eta azkarrena, ur gaineko jatetxe erraldoia zen.
Alexandro Handiak Rnaturaren laguntza izan zuen bere garaipen militarrik garrantzitsuenetakoan. Ingurumenaren Geozientzien Europako Zentroan (Aix-en Provence, Frantzia) egindako ikerketaren arabera, K.a. 332an Alexandrok oztopo ugari zuen Tiro konkistatzeko. Garai hartan Tiro uhartea zen eta 45 metroko altuera zuten harresiez inguratua zegoen. Hilabete luzez saiatu zen Alexandro tiroarrak mendean hartzen, baina alferrik. Azkenean bere aginduetara zeuden ingeniariek kilometro bateko zubia eraiki zuten itsasoan, olatu handiak izan ohi ziren tokian gainera. Arkeologoek ezin izan dute orain arte esplikatu nola izan zen posible horrelakorik egitea. Orain erantzuna geologiak eman du: Brontze Arotik harea eta sedimentuak biltzen joan ziren bertan eta, horrela, pasabide naturala sortu zen, ingeniariek artifizialki zabaldu zutena. Inbasioa arrakastatsua izan zen eta 8.000tik gora tiroar hil zituzten. Zubiak toki horretako geografia betiko aldatu zuen; Tiro istmoa da gaur egun.
© Sareko Argia
Lege Oharra
RSS sindikazioa 1.1