Ezpalak 

Euskarazko literatura eta itzulpeneko Euskadi Sarien epaimahaia izendatu dute

Euskarazko literatura eta itzulpen alorretako Euskadi Sariek badute 2007. urterako epaimahaia dagoeneko. Joan den astean kaleratu zen Euskal Herriko Agintaritzaren Aldizkarian aurten sariok emateaz arduratuko diren pertsonen zerrenda. Karlos Otegi izango da euskarazko literaturako Euskadi Sariaren epaimahaiko burua eta Jon Kortazar, Arantxa Urretabizkaia, Karlos Santisteban eta Pello Otxoteko izango dira epaimahaikideak. Euskarazko itzulpenarenari dagokionez berriz, Bakartxo Arrizabalaga izango da epaimahaiburu eta Karlos del Olmo, Irene Arrarats, Mikel Hoyos eta Josu Barambones epaimahaikide. Iaz Xabier Olarrak eta Iban Zalduak (argazkian) eskuratu zituzten sariok euskarazko itzulpen eta literatura alorretan hurrenez hurren.

Iruzkina idatzi

		2100   2099
2101 zenbakia. 2007ko irailaren 09a Azkena || Hemeroteka

Ale berean...