Argia astekaria webgunearen hasiera
- Azken Eguneraketa:
- 2008-05-15 12:58:53
2100.zenbakia
111. zenb.
(ARGIAko 2099. zenbakiarekin batera banatua)
2007-09-02 -- 2100.zenb
Pertsia, K.a. IV. mendea. Ctesias greziarra Artajerjes II.a erregearen medikua zen. Eta hari esker izan zen lehenengoz unikornioaren berri. Ctesiasek zioen Lurreko animaliarik indartsuena eta azkarrena zela, eta Indian zuela jatorria. Ile zuriko asto handia omen zen, burua gorria zuen eta begiak urdinak. Kopetan metro beteko adarra zuen. Medikuaren esanetan, adarra edalontzi modura erabiliz gero epilepsia saihestu eta pozoi guztientzako babesa lortzen zen. Baina Ctesias ez zen inoiz Indian izan eta bere adarbakar hura lau espezieren arteko nahasketa asmatua baino ez zen: Indiako errinozeroa, Ekialde Hurbileko onagroa, Egiptoko antilopea eta rimua, Mesopotamiako hainbat erliebetan ageri den idia.
Zine historikoari buruzko web berria du www.educahistoria.com atariak. www.cinehistoria.com helbidean filmei buruzko artikulu zehatzak daude: Luis García Berlangaren ¡Bienvenido Mr. Marshall!, Francok idatzitako nobelan oinarritutako Raza, Chaplinen The Great Dictator... Filmei buruzko bibliografia dago eskuragarri. Gainera, film zatiak ikusteko aukera ematen duen bideoteka dago.
Loturak, kronologiak eta hezkuntza baliabide praktikoak ere aurki daitezke orrialdean. Izan ere, educahistoria atariko eduki guztiak bezalaxe, zine historikoari dagozkion hauek historia zale guztientzat dira, baina irakasleei daude bereziki zuzenduta.
© Sareko Argia
Lege Oharra
RSS sindikazioa 1.1