Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Rafa Rueda ::Saredun eskua

Gaztelupeko Hotsak

iraupena ::41´47´´

prezioa ::13.46€

Pop-rockaren gardentasuna, izaera propioarekin

Pi-LT taldearen bultzatzaile izan zena pop-rockean murgilduta dago aspaldian, eta hau bigarren lana du. Oso gustura dagoela antzematen zaio, eta abesteko era berezia lantzen dihardu, oso pausatua. Distortsiotik aldenduta, poparen gardentasuna du xede orain. Gainera, melodia biluzi horiek teklatu bereizgarriekin aberastuta daude, elektronikaren ukitu xumearekin, jazz zipriztinekin edota pasaje orkestralen itxura hartuz. Hitzak, barrukoak dira, eta zenbait kasutan oso ederrak. Horretan zeresana du Rafak duen punta-puntako idazle lagun koadrilak: Kirmen Uribe, Edorta Jimenez, Unai Iturriaga, Jon Benito eta Gotzon Barandiaran, hain zuzen ere. Oraintsu, Rafak Pettiren diskoarekikoak bukatu ditu; Urdangarinena bukatzekotan da; eta Txumarenean eta Gutagutarrak-en kantu batean ere esku hartu du. Pipermin hutsa!