Argia astekaria webgunearen hasiera
- Azken Eguneraketa:
- 2008-07-08 16:30:26
2098.zenbakia
122. zenb.
(ARGIAko 2094. zenbakiarekin batera banatua)
2007-07-22 -- 2098.zenb
XDZ
Bizi garenez irudiari
makurtzen zaion munduan
berokipean diximulatuz
lasaitu arren neguan,
konplexu eta izan beharrak
ugaltzen dira buruan
lehen ezkutuan zeuden guneak
bistaratzeko orduan.
Iazko galtza motzak ez daude
lehenago bezain eroso...
Nolako drama! Zabaldu gara
hiru milimetro oso!
Soluzioa sinplea eta
eskuragarria oso...
Gu laguntzeko beti prest daude
mila dieta milagroso.
Alkatxofaren dietarekin
arin sentitzen hasita
osagarri on izan liteke
gimnasiora bisita.
Zinta batean ordubetean
jardun gaitezke korrika...
Baina hori bai kotxea juxtu
ate aurrean utzita.
Eguzki izpiek hainbat gaitz nola
bihurtu dituzten bere,
eguzkitako krema ematean
nahiz behar lukeen lege
batere eman gabe’re total...
Beltzarantzea da xede!
Horretarako azal guztia
galdu behar bada ere.
Depilatzeko ezinbesteko
premi larrien adiktu
burua ez den iledun gorputz
atalik ezin luzitu.
Nahiz eta beste zeozer zela
pentsatzen luzaz aritu...
Tximuak eta pertsonak nonbait
ileak bereizten ditu.
Sarri nahasten ditugun arren
pertsona ta objektua,
(ez nintzen neskez bakarrik ari
barka gaizki ulertua)
aurtengo uda ere izan dadin
berezia, “perfektua”,
irudimenak bete dezala
irudiaren lekua!
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa