Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

The Brontës ::Ways to nowhere

Astro

iraupena ::41´40´´

prezioa ::11.86€

Rockaren bat-batekotasunera daraman bidean

Gasteiztarrak dira, baina emaitza entzunda atzerrikoak izan zitezkeen. Batetik, indie-a zeritzona –Sebadoh, Pavement eta halakoak– eta AEBetako rocka –Neil Young tartean– batzeagatik; eta bestetik, ingelesez abesten eskarmentu handia eta sinesgarritasuna dutelako. Grabazio estudiora gutxitan sartzen direnez, aldi berean bi disko grabatu dituzte, momentuz Ways to nowhere (Ezezagunerantz daramaten bideak) bakarrik kaleratu duten arren. Diskoa oso gogor hasten da, indartsu; baina tarteka indie-aren eta (pop)rockaren artean kokatzen da, melodiak indartuz eta abestien intentsitatearekin jokatuz. Horrez gain, gai dira distortsioz jositako kantu basatiak (Dissapointing rain) zein pieza akustikoak (Solstice) erditzeko. Bigunegia doinu gogorren zaleentzako; eta gogorregia poperoentzako, “bide ezezagunean”.