Argia astekaria webgunearen hasiera

Jon Gurrutxaga

Uztaila jazz aroa da Euskal Herrian, urtero antolatzen diren jaialdiei esker. Nazioarteko izarrak etortzen dira hil honetan gurera baina, eta etxean zer? Etxean ere egiten da jazza. Dinbi Danba talde gipuzkoarra da horren adibide: Cruce de cables izeneko bigarren diskoa argitaratu dute Errabal zigiluaren eskutik. Aurrekoa baino akustikoagoa, uzta propioko kantuek eta zenbait bertsiok osatzen dute.

Gorka Bereziartua

“Bizitza da erresumarik zabalena / eta nik / nik besoak baino ezin zabaldu” idatzi zuen duela urte batzuk Harkaitz Canok (Lasarte-Oria, 1975). Geroztik bizitza zatiak beso artean bildu eta papereratu nahian dabil. Lehen liburua kaleratu zuenetik urte mordoxka joan da, eta honezkero puska asko bildu ditu bere obretan. Azkenetako bat hurrengo asteko ARGIArekin batera iritsiko zaizue irakurleoi: Hipotesiak gordinkeriaz ipuina.