Argia astekaria webgunearen hasiera
- Azken Eguneraketa:
- 2008-05-15 12:58:53
2098.zenbakia
111. zenb.
(ARGIAko 2094. zenbakiarekin batera banatua)
2007-07-22 -- 2098.zenb
New Jersey (AEB), 1965. Arno Penzias eta Robert Wilson zientzialari gazteek Bell de Holmdel Laborategietako komunikazio-antenarekin lan egiteko baimena lortu zuten. Baina etengabeko soinu gogaikarri batek ez zien uzten euren lan esperimentalean aurrera egiten. Txistu-hots moduko soinua zeruko toki guztietatik iristen zen, egun osoan zehar, urtaro guztietan.
Urtebetean gazteek denetik egin zuten soinuaren jatorria aurkitu eta desagerrarazteko. Zirkuituak konprobatu zituzten, entxufeak garbitu, kableak mugitu… Antena parabolikora igo eta goitik behera garbitu zuten “material dielektriko zuria” (txori-zirina) ezabatzeko.
Dena alferrik.
Zahi Hawass Arrasto Egiptoarren Kontseilu Goreneko idazkari nagusia gogor kritikatua izan da azken aldian Nefertitiren bustoaren inguruko gorabeherak direla eta. Hawassek Nefertiti atzera Egiptora eraman nahi du Berlineko Museotik, baina Alemanian oztopoak besterik ez dituzte ipintzen bidaia egiteko. Horregatik Alemaniaren aurkako “gerra diplomatikoa” hasiko duela mehatxatu du, gerora jarrera diplomatikoa erakusteko ahalegina egin badu ere. Hala ere, ez da Nefertitira mugatu eta Bartzelonako Museo Egiptoarreko piezen jatorri ilunaz hitz egin du berriki. Madrilera osorik eraman zuten Debod-eko tenplua estali eta hobeto zaintzeko ere eskatu du Hawassek. Mendeetan zehar hainbat herrialdek egindako espoliazio lotsagabea apurka-apurka konpontzen saiatzeak zorrotza izatea eskatzen badu, herrialde “lapurren” kritikak soberan daude.
© Sareko Argia
Lege Oharra
RSS sindikazioa 1.1