Argia astekaria webgunearen hasiera
- Azken Eguneraketa:
- 2008-07-02 15:11:57
2097.zenbakia
122. zenb.
(ARGIAko 2094. zenbakiarekin batera banatua)
2007-07-15 -- 2097.zenb
Iņigo Azkona
Ekain-uztaila beti heltzen da
etsamin zailez beteta
eta bertsotan ere guztia
ez da izango olgeta.
Sorta honetan aurkitu ahal
izango duzu aleka
bertsolaritzaz zenbat dakizun
neurtzeko azterketa.
Hemen idatzi NAN zenbakia:______
hemen zure abizena:_____________
eta ondoren asma ezazu
lehen erantzun zuzena:
Ezaguna da Txirrita gizon
emankorra izan zena,
baina esazu, nola deitzen zen
bere seme gazteena?_____________
Bertso zaharrak ugari dira
herri honen historian
eta komeni da ale batzuk
gordetzea memorian.
Buka ezazu azken puntu hau
Otañoren armonian:
“limosnatxo bat eskatutzen det
Jainkuaren ______________.”
Idazleotan bertso kantuan
ibilitako bat bada:
1) Mari Jose Olaziregi
2) Unai Elorriaga
3) Hasier Etxeberria
Test sinplea ez al da ba?
Azpimarratu zuzena dena
ausartzen baldin bazara.
Jakingo duzu urte honetan
orain lau urte bezela
Gipuzkoako txapelketaren
olatua datorrela.
Jakinik Euskal Herri osoko
lau etxean dituela,
noiz irabazi zuen Egañak
Gipuzkoako txapela?_____________
Txirrita seme gabe joan zen,
“izenian” zuzena zen,
Elorriaga azpimarratuz
jarrai zenezake zuzen,
Egañak ez du Gipuzkoako
txapelik inon gordetzen,
laurak asmatu ezkero, aupa
segi bertsoaz gozatzen!
Doinua: “Nere gogoa hegan dijoa...”
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa