Argia astekaria webgunearen hasiera

Jon Torner

Euskal Herriko Indymedia Hedabide Independenteen Guneak bost urte bete ditu jada. Globalizazioa, okupazioa, ekologia, antimilitarismoa, euskara eta beste hainbat gizarte gai jorratzen dituen web guneak bizi-bizi jarraitzen du, proiektu horretan parte hartzen duen erabiltzaile kopuruak erakusten digun moduan.

1999an Nazioarteko Moneta Funtsak bilera egin zuen Seattle hirian (AEB). Globalizazioaren aurkako aktibista ugari bildu zen bertan eta euren arteko harremana sendotzeko, mobilizazioaren berri emateko eta informazioa zabaltzeko bulego bat zabaldu zuten. Hantxe hasi zuen bere ibilbidea lehenengo Indymediak. Dozenaka lagunek euren albiste, argazki eta bideoak sareratu zituzten bertan. Komunikabide erraldoiek eta gobernuburuek eskaintzen ez zuten informazioa zabaldu zuen, eta oso denbora gutxian dezenteko oihartzuna lortu zuen. Apurka-apurka AEBetako beste hiri batzuetara zabaldu zen eta 2000. urtean, San Frantziskon egindako bilkuran, www.indymedia.org domeinua erosi zuten. Orduz geroztik, tokian tokiko dozenaka Indymedia sortu dira mundu osoan.

Nano Sanchez Grassa

“Aireko iratxoek baino ez dakite zer dagoen mendiaren atzean”. Groenlandiako atsotiz hori da Kurt Diemberger-en (1932, Villach, Austria) iparra, edonon dabilela ere; berdin iparraldeko izotzetan, Amazonasen, Alpetan, Karakorumean edo Himalaian... Zortzi mila metrotik gorako mendietako bitara igotzen aurrena izan zen Kurt Diemberger. Bizirik dagoen mendizale bakarra da hori esan dezakeena.