Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Sexty Sexers ::Urkamendi blues

Gaztelupeko Hotsak

iraupena ::45´06´´

prezioa ::14.45€

70eko hamarkadako rock bizia, gaur egundik

Berako boskotea errepidean bizi da. Gaztetasuna eta lotsagabekeria ezaugarri dituztela agertoki gainean guztia ematen ikasi dute. Eta nola, gainera! Ibilbide horrek eman dien esperientzia emankorra bigarren diskoran hustu dute emaitza dotorea lortuz. 70eko hamarkada eta hard-rocka dira beraien oinarri nagusiak. Egia da The Cult, lehen garaiko Guns N’Roses eta Black Sabbath ere oso presente dituztela, baina Hellacopters, Gluecifer edota Turbonegroren antzeko doinuei ere txinpartak ateratzen dizkiete, baita tarteka punk-rockari eta rock-and-roll bizienari ere. Bestalde, hitzak oso landuta daude, eta metafora indartsuekin aberastuta, muturreko egora, bizipen eta sentimenduak kontatzen dituzte. Hala ere, ez galdu aukera taldea zuzenean ikusteko: adrenalina hutsa dira eta hori da beraien terrenoa.