Lagun bati bidali

• 1# | joseba | 2007-06-21 13:49:07
  

  Obligazioaren dimentsioa pertsonarentzat maldizioa da, gure euskal kultura kolektibotik jaso dugun herentzia lorrinenetakoa. Izugarrizko gatazka eragiten dio bere bizitzaren kudeaketan eta orekan. Hona adibide esanguratsu bat: pertsona euskolabeldunaren desafioak. Errito euskaltzale/abertzaleak ailegatzen direnean, urteko zita basque-laikoak, pseudokoherentzia ariketa kuriosoa injeniatzen du ardi latxa humano gizagaixoak. Zeregin konplikatu samarra jartzen zaio aurrean: nola kudeatu label punturik ez galtzea eta ikastola pribatuaren alde egotea? Ea adibidea deskodifikatzen dudan. Ezagutzen dut zenbait guraso gazte eta majo beren pribatu-zaletasuna eta euskalzaletasuna uztartzeko formula asmatu dutenak. Hala, bake ideologikoa erdietsi dute ikastoletako jai guztietara joanez, eta eskola publikoaren jaietara ez. Ikastola pribatuen bost jaietara bai, baina eskola publikoen jai batera ere ez. Injenieritza ideolojikoak apur bat gehiago korapilatzearren, esango diet, EAEko administrazioaren errape barik, publikoaren aldeko gurasoen, hauen ere, zerga barik, ezingo litzatekeela ikastola pribatu bat ere sostengatu. Hori zientzia da.