Argia astekaria webgunearen hasiera

Txoli Mateos

Zientzialari famatu batek esan zuen, orain dela urte asko, okerra dela pentsatzea egia, ezinbestean, erdibidean egon behar dela eta ez, beraz, muturreko jarreretan. Beste era batera esanda, ez da pentsatu behar norbera objektiboagoa denik muturretatik ihes egiten duelako. Beti iruditu zait irakaspen ona dakarrela uste horrek, oso erraz deskalifikatzen baitugu edozein jokaera erradikala edo muturrekoa delakoan, besterik gabe. Baina, hara non, europar unibertsitateen arteko homologazio prozesua gure artean abian jarri denetik, aldetik kendu ezinik nabil sentipen hau: horretaz esaten dena, sarritan, gehiegikeria dela eta egia, nolabait esatearren, erdibide batean kokatu beharko litzatekeela.