Argia astekaria webgunearen hasiera
- Azken Eguneraketa:
- 2008-08-29 14:59:50
2091.zenbakia
110. zenb.
(ARGIAko 2090. zenbakiarekin batera banatua)
2007-06-03 -- 2091.zenb
Etruria, K.a. 40. Etruriarren herriak independentzia galdu zuen eta Erromatar Inperioko probintzia bihurtu zen. Huraxe izan zen mende luzez etruriarrek penintsula Italikoan izan zuten nagusitasunaren amaiera. Baina zein zen Mediterraneo mendebaldeko potentzia honen jatorria? Hainbat erantzun eman zaizkio galdera horri.
Herodoto historialari eta geografo greziarrak (K.a. 484-425) uste zuen Lidiatik, hots, ekialdetik abiatu zirela K.a. XIII. mendean.
Herodotoren herrikide batek, Halikarnasoko Dionisiok, berriz, etruriarrak Penintsula Italiko bertakoak zirela zioen. Bere esanetan, etruriar zibilizazioa ez zen beste inon garatu, eta etruriar hizkuntzak jatorri mediterraniarra zuen, ez ekialdekoa.
Tutankamonmania Europara iritsiko da datorren udazkenean, AEBetatik pasa ondoren. Il Giornale dell'Arte aldizkariak landutako zerrendaren arabera, Tutankamon eta faraoien urrezko aroa izan zen 2006ko erakusketarik arrakastatsuena. Fort Lauderdale-ko (Florida, AEB) Arte Museoko erakusketak 707.534 bisita izan zituen. Erakusketa Londresko British Museum-en izango da azarotik aurrera, eta kopuru hori gainditzea aurrikusten dute. Inork aurrikusten ez zuen zerrendako bigarren postua da, Bilboko Guggenheimeko Russia! Erakusketak lortu baitu 621.188 bisitariri esker.
© Sareko Argia
Lege Oharra
RSS sindikazioa