Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Plan B ::Ver oir callar

Puzkarra Records

iraupena ::29’19’’

prezioa ::7€

Punka, melodia, zakarkeria eta umorea

Plan B hirukotea Barley Juice talde donostiarraren errautsetatik jaio da, baina atzean Mundu dago; abeslari eta gitarra jotzailea, eta bi proiektuen motorea. Munduk punk-rocka maite du, baina beretzat zeresan berezia daukate ahotsean melodia handia duten taldeek. Bi osagai nagusi horiek erabilita, hainbeste miresten dituen Commando 9mm edota MCD gogora ekartzen dizkigu talde honek. Hitzek punkari buelta erdi ematen diote, taldekideek gauza asko ikusi dituztenaren erakusle. Gai dira esaldi zakar eta erasokorrena idazteko, nihilismoan jausteko edota umorearekin jolasteko. Nabarmentzekoa, adibidez, España se muere hit-a, Espainiako Erresumak bizi duen garai dekadentearen ispilu. Talde berria den arren –lehenengo lana dute– igartzen da musikariek gauzak argi dituztela, eta disko gomendagarria eta freskoa egin dute.