Argia astekaria webgunearen hasiera
- Azken Eguneraketa:
- 2008-05-15 12:58:53
2083.zenbakia
111. zenb.
(ARGIAko 2081. zenbakiarekin batera banatua)
2007-04-08 -- 2083.zenb
Jesus Angulo, Jose Luis Rebordinos eta Antonio Santamariak Breve historia del cortometraje vasco liburua kaleratu dute, Euskadiko Filmategiaren eskutik. 1923tik gaur egun arte Euskal Herrian ekoitzitako film laburren historia jaso du liburuak. 1.006 izenburu bildu dituzte, tartean, Urbizu, De la Iglesia, Medem eta azken aldian gehiago entzuten diren Vigalondo, Cobeaga eta Almandozenak.
Josune Amunarriz hondarribiarraren Pinturatik instalaziora erakusketa zabaldu dute Donostiako Kubo aretoan. Tamaina handiko margolan abstraktuak eta instalazioak aurkituko ditu bisitariak bertan. Erakusketa apirilaren 22a arte egongo da zabalik.
Gabriel Aresti idazle bilbotarrak (1933-1975) Egan literatur aldizkarian idatzi zituen sei ipuinak berrargitaratu ditu Ikeder argitaletxeak, Gabriel Aresti-Ipuinak izenburupean. Xabier Monasteriok moldatu ditu euskara batura sei narrazioak
Jorge Oteiza eskultoreak 1959-1963 urteetan idatzitako Quousque tandem...! liburuaren edizio kritikoa plazaratu du Oteiza Museoaren Fundazioak. Liburuak hainbat berrargitalpen izan ditu 1963an argitaratu zenetik. Orain, estreinakoz, euskarazko bertsioa ere kaleratu dute. Amador Vega arduratu da Oteizaren liburuaren edizio kritikoaz eta Pello Zabaletak egin du itzulpena. Quousque tandem...! liburuan arteaz, estetikaz, antropologiaz eta erlijioaz idatzi zuen Oteizak.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa 1.1