Argia astekaria webgunearen hasiera
- Azken Eguneraketa:
- 2008-07-02 15:11:57
2081.zenbakia
122. zenb.
(ARGIAko 2081. zenbakiarekin batera banatua)
2007-03-25 -- 2081.zenb
Aurreko astean langileen mobilizazioak izan genituen Hego Euskal Herriko lau lurraldeetan, gure industria babesteko, lekualdaketen aurka eta lan harremanen euskal eremuaren alde. Mobilizazio horiek LABek Euskal Herrian zabaldu duen “Langileok autodeterminazioa” kanpainaren parte dira. Aste honetan Busturian eta Lea-Artibain izango dira mobilizazioak. Azken urteotan ehunka lanpostu galdu dira multinazionalek egindako lekualdaketengatik. Nafarroa da multinazional askoren paradisua eta horregatik ekonomia ahula du; lekualdatze gehien eta larrienak jasan dituen lurraldea izan da. Duela gutxi UNESA, Scneider eta Sanyo izan dira. Orain Mepamsa, Caucho Metal eta BSH, eta ezin dugu ahaztu Volkswagenek ere lanpostuak pixkanaka nabarmen gutxitu nahi dituela.
Autodeterminazioa defendatzea gure industria defendatzea da, lan harremanetan euskal eremuaren alde egotea, erabakiak hemen eta ez Parisen, Madrilen edo Berlinen hartzearen alde agertzea. Horrela baino ez dugu lortuko gure industria eta lanpostuak multinazionalen irentsi gosetik babestea, horien helburua ahalik eta denbora gutxienean probetxurik gehien lortzea besterik ez baita. Nafarroako Gobernuak hobe luke bere industria-politikaz arduratuko balitz eta gehiago ez balu, gezurrekin baliatuta, manifestazioetara deituko, horiek, azken finean, Nafarroak bere etorkizunean erabaki dezan eragotzi besterik ez baitute egiten.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa