Argia astekaria webgunearen hasiera

Mikel Asurmendi

Tutera, 1954. PSNko talde sozialistaren bozeramailea Nafarroako Parlamentuan, alderdi honetako politika instituzionalerako idazkari nagusia, Iruñeko talde sozialistaren kidea izana eta Nafarroako Gobernuko presidente hautagaia da: “Ez dezala inork esan politikara iritsi berria naizenik eta are gutxiago Ferrazek izendatua”. UPNk Iruñeko manifestazioa deitu zuen egunean jardun genuen berarekin: “UPN eta PP eraso eta deuseztapen politikaren bila ari dira”.
 
Nafarroako Gobernurako Fernando Puras hautagaiak hauxe adierazi digu abiapuntuan: “Ez nuen ardura hau espero, baina konpromisoa hartu ondoren oso gustura ari naiz. Zailtasunak zailtasun, testuingurua konplexua baita, gero eta ilusionatuago nago”.
 
Bizitza baino, berau antolatzeko modua aldatu omen zaio: “Hautagaia izateak lanak kontzentratu eta erraztu dizkit, nire ospea zabaldu da eta erantzukizuna handitu zait horregatik”.

Itsaso Ibarra

Iruñeko Xabier Kalean bada argi berezia duen denda bat: Karrikiri.
 
Euskal produktuen denda baino gehiago da; Iruñeko Karrikiri Euskara Elkartearen egoitza dago bertan. Hamar urte daramatza elkarte horrek Iruñerrian lanean euskaraz bizitzera animatuz eta horretarako azpiegitura eskainiz.

Karrikiri, Nafarroako hiriburuan, eguneroko bizitzan beharrezkoak diren erosketetan, etxean edota jaietan euskaraz bizi ahal izateko bidea errazten saiatzen da. Hala, besteak beste, Mintzakidea, Pisu-kidea, Merkataritza gida, lan poltsa, Karrika aldizkaria, Karribusa, Karrika gurea da eta Atun jana jaiak eta denda ditu elkarteak euskaldunen eskura.