Argia astekaria webgunearen hasiera

Josemari Velez De Mendizabal

Paseatzen ari nintzen Iñaki Berazarekin Aguraingo kaleetatik “Herri honek etorkizunik baduela uste al duzu?” galdetu nionean. Itauna egitean Gasteiz hiriburuak gazteengan eduki dezakeen erakargarritasun indartsua nuen gogoan, indartsuegia 4.500 biztanle inguru izango dituen herriko gazteentzat.
 
Aguraingo alkateak besotik heldu eta San Juan elizako atze aldera eraman ninduen. Bertatik, hiribildutik berrehun bat metrotara eraikitzen ari den urbanizazioa erakutsi zidan: “Begira; bostehun etxe eraikitzen ari gara; 90 metro karratu, garajea eta ganbara. Zenbatetan uste duzu?”. Erantzunarekin ez nuela asmatzen ikusita berak eman zidan zifra: hemeretzi milioi pezeta VPOkoak, eskaintza askekoak 25 milioi eta familia bakarrekoak 34 milioi.